Stichting Monumentenfonds Aruba a anuncia:
ORANJESTAD (AAN): Riba diahuebs mainta Stichting Monumentenfonds Aruba a convoca un conferencia di prensa pa anuncia cu e restauracion interior di Botica Aruba a yega na su final y alabes a yama bon bini na e huurdo nobo.
Presidente nobo di e fundacion Rousanne de Weever a splica cu nan tabata contento di ta eynan pa e apertura di Cocolishi Studio. Ta trata di un bunita edificio unda e tegels a keda intacto cu e historia bunita cu e tin su tras.
Anne Witsenburg, Directora di SMF a agrega cu e kier a duna danki na tur cu a contribui cu e proyecto aki. El a bisa cu e proyecto aki a tuma hopi tempo. E ta e proyecto mas largo cu SMF tabata tin. El a cuminsa ora cu a cumpra e edificio. Despues a cuminsa cu e restauracion na e parti pafo. Covid a aparece y asina cu tabata por a cuminsa cu e parti abao di e edificio y aworaki a keda cla cu e di dos piso, a bisa.
Na e momentonan aki, e edificio, na e prome piso tin un Restaurant y awor nan tin tambe Cocolishi Studio na cual nan ta desea hopi exito.
Witsenburg a gradici finalmente na Gobierno y Monumentenbureau pasobra sin e apoyo ey no lo a logra di pone e edificio aki bek den su estado original y conserv'e pa e futuro generacionnan.
