ORANJESTAD (AAN): E siman aki, Minister di Salubridad, Asunto Social, Cuido di Adulto Mayor y Maneho di Adiccion,
Señora drs. Melvin Wyatt-Ras, a ricibi oficialmente e relato anual 2025 di Respaldo.
Durante e reunion, Respaldo a comparti e resultadonan principal, e ultimo desaroyonan y e prioridadnan di e organizacion.
Respaldo cu ta cay bao Fundacion Salud Mental Aruba, ta e unico instancia di GGZ na Aruba. Nan ta ofrece servicionan di salud mental, entre cual ta inclui un clinica sikiatrico, consultorionan pa adulto y adolescentenan, y teamnan ambulatorio FACT. Na forma regular nan ta busca profesionalnan di salud manera sikiatra, sicologo, y nurse.
