ORANJESTAD (AAN): Dialuna mainta e representantenan di Tour Operators Uni y Gobierno di Aruba,
a reuni como parti e preparacion pa e audiencia na corte dia 15 di October. E reunion aki a permiti e partidonan pa discuti puntonan esencial relaciona cu e caso entama pa Aruba Birdlife Conservation directamente.
Representantenan di Tour Operators Uni a expresa nan aprecio na e posicion di Gobierno pa permanece habri pa dialogo y colaboracion den henter e proceso. Esaki a pesar cu rontundamente representantenan di Aruba Birdlife Conservation a nenga di sinta na mesa pa yega na un solucion comun.
Mas ainda, Diadomingo ultimo un biaha mas ‘zeg af’ na ultimo momento y opta pa no for a parti di e reunion cu abogadonan tampoco. No obstante, Tour Operators Uni ta keda enfatisa cu e compromiso pa yega na un solucion cu ta proteha naturalesa di Aruba y na mes momento ta permiti tournan responsabel cu licencia sigui core riba rutanan designa ta keda na prome luga. Mientras tanto, Tour Operators Uni lo keda positivo pa cu e resultado di e caso cu lo wordo trata den Corte proximamente.
