ORANJESTAD (AAN): Recientemente representantenan di Proline Baseball, sr Kevin James y sr Eric Mohamed, a reuni cu Minister Endy Croes, relaciona cu un proyecto pa cu deporte di baseball.
Un Campeonato cu na unda 4 team lo participa y lo hunga alrededor di 40 wega pa categoria di 18 plus. E cuatro team participando na campeonato aki di Proline Baseball ta Panters, Tigers, Lions y Jaguars. Un campeonato cu ta bay tin un duracion di alrededor di seis siman y cu ta brinda tur e muchanan cu ta hunga baseball na USA den nan “off season” un bon oportunidad pa hunga cu un di e cuatro team nan aki y otro ta peloteronan cu no a alcansa seleccion di Hulanda “world classic baseball” cu ta peloteronan cu lo forma parti hunto cu nos localnan den e cuater ekipo aki y purba di e forma aki hiba deporte di baseball na un nivel mas profesional, hungando diferente wega contra otro.
Esaki sigur ta un gran inicio, nan tin tur uniforms ta cla cu Kevin James mes a patronisa. E organisadornan a acerca Gobierno/Lotto pa Deporte pa yuda sostene e proyecto aki cu terenonan pa cada wega, umpires y gastonan cu nan lo por tin. Nan ta den conversacion cu tur stakeholder y pronto lo tende mas di e Campeonato di Proline baseball cu lo duna inicio na november, ora nos profesionalnan cu ta den “off season” y esnan cu ta hungando bala na Merca, Hulanda etc.
