ORANJESTAD (AAN): E compania NV Elmar a indica cu nan ta haya obliga pa haci un trabao di mantencion y reparacion esencial riba e instalacion di 12mil volt den e Trafohuis (casita di transformer) cu ta responsabel pa distribui coriente na e areanan di e.o. Pavia, Piedra Plat, Meiveld, y vecindario.
E trabao di reparacion aki lo worde ehecuta door
di un experto di Hulanda actualmente na Aruba. E trabaonan aki a cuminsa caba Diamars 6 di juni 2023 parti mainta y lo dura pa tres dia, concluyendo riba diahuebs 8 di juni 2023 parti atardi.
Durante e periodo aki, pa sigura un servicio di coriente, lo haci un transferencia di carga di un area alternativo atraves di un otro stacion.
Sinembargo, ta importante pa nota cu e transferencia di carga aki lo pone un esfuerso adicional riba e kabelnan di e red di distribucion alternativo, posibelmente causando un efecto di corto circuito. Na banda di e carga adicional door di e aumento di consumo di coriente actualmente durante temporada di calor. Personal di NV Elmar lo vigila e situacion durante henter e periodo aki.
Nan ta ofrece caba disculpa pa e posibel inconveniencia den caso di un interupcion di coriente, y nos ta aprecia boso comprension y cooperacion durante e trabao di reparacion necesario aki.
