ORANJESTAD (AAN): SKOA ta den pleno preparacion pa un aña escolar nobo y kier corda tur mayornan pa nan tin tur cos cla pa nan yiunan por cuminsa un aña escolar exitoso.
SKOA tin su rekisitonan pa cada mucha por atende na scol, esaki ta incera diferente aspectonan importante entre otro uniform. Pa e aña escolar venidero a hinca un “checklist” den otro pa asina tur mayor por pone atencion riba kico nan a cumpli cu ‘ne caba y kico falta pa e mucha por cuminsa su scol. Y pesey nan a traha un ‘Checklist Back-to-School’.
Seguro: Cada mucha mester tin su seguro di AZV na ordo pa por acudi na un scol. Si e mucha no tin seguro di AZV mester percura pa e mucha tin su seguro priva. E seguro ta importante pa den casonan di emergencia cu por sosode na scol.
Uniform y Articulo pa scol: E ta importante cu cada mucha tin nan uniform nobo of den bon condicion pa atende scol. Cada scol ta manda un lista di articulo cu muchanan tin mester, esaki tambe ta importante pa cumpra prome cu aña escolar habri. Cu uniform nobo y articulonan di scol necesario e mucha por cuminsa su aña di scol bon prepara.
Recibo di pago: Un di e puntonan importante riba e “checklist” ta e recibo di pago. Esaki ta conta como e recibo di pago completo, pa mayornan cu ta haci ful e pago di school- y aircogeld. Pa mayornan cu tin areglo di pago mester tin e recibo di e prome pago haci. Mayornan ta entrega un copia di e recibo di pago cerca cabesante of docente e promer dia di scol. Mayornan cu pa cualkier motibo no a haci peticion pa areglo di pago por haci esaki ainda via email: This email address is being protected from spambots. You need JavaScript enabled to view it. . Ultimo dia pa por haci e peticion aki pa e aña escolar 2023-2024 ta 14 augustus 2023.
Re-inscripcion: Muchanan cu ya caba ta atendiendo un scol di SKOA mester (re)inscribi pa e aña escolar nobo. Mayornan cu no a (re)inscribi nan yiunan pa e aña escolar venidero di 2023-2024 mester tuma contacto directo na oficina di SKOA na telefon 523-1800.
