ORANJESTAD, 28 di october 2025 – RBC Royal Bank (Aruba) N.V. (“RBC”) ta orguyoso di anuncia su patrocinio di Barracuda Artistic Swimming Club di Aruba
mientras cu e team ta prepara pa representa e isla na e Weganan Centro Americano y Caribense 2026 (CAC).
Pierre Rafini, RBC Vice Presidente, Commercial Banking, Dutch Caribbean y Country Manager, Aruba a comparti su emocion tocante e partnership. “Mi ta berdaderamente honra di anuncia nos patrocinio di Barracuda Artistic Swimming Club,” Rafini a bisa.
“Como tata di un landado artistico, mi no ta desconoci den e mundo asombroso di landamento artistico. Mi a presencia e dedicacion di e atletanan hoben aki di prome man, incluyendo entrenamento seis dia pa siman, demostrando compromiso, perseverancia, y un pasion grandi pa e deporte,” el a agrega.
Landamento artistico ta un forma hibrido di landamento, baile y gimnasia.
RBC Royal Bank pa hopi tempo caba ta sostenedo di desaroyo di hubentud y comunidad na Aruba. E banco ta keda compromete na haci un impacto positivo den e comunidadnan cu e ta sirbi, y e patrocinio aki ta refleha e compromiso continuo ey.
Rafini a sigui bisa, “Na RBC, nos ta kere cu deporte ta hunga un rol vital den forma e mente y caracternan di nos futuro lidernan. Deporte tin un habilidad unico pa siña habilidadnan valioso di bida manera trabou den team, disciplina, y perseverancia – cualidadnan cu ta esencial pa exito den tur area di bida. Nos compromiso cu desaroyo di hubentud pa medio di deporte ta ancra den nos deseo pa construi comunidadnan mas fuerte y resiliente.”
Tambe Rafini a felicita tur landado, coachnan, mayornan y sostenedo di Barracuda Artistic Swimming Club y a desea nan un temporada exitoso y yen di inspiracion.
