ORANJESTAD (AAN): Algo sigur pa aplaudi di Do It Center na Aruba.
Pa aña 2025, e compania a dicidi na introduci un otro programa positivo pa tur e empleadonan.
DIARIO a compronde cu tur luna nan lo bay saca un “Empleado di Luna”, y esaki ta wordo escogi door di tur empleado di e tres localidadnan di Do It Center na Aruba.
E resultado di Empleadonan di luna di Januari 2025 a caba di wordo divulga. E honor aki a bay pa tanto Raul Webb, y tambe pa Gwendolyn Croes.
Nan ta caranan conoci cu semper ta cla pa yuda clientenan cu e bon servicio, cu positivismo, y cu e sistema di nan por sirbi como un ‘role-model’ pa demas trahadornan.
Palabra di pabien na Raul y tambe na Gwendolyn. Pabien y sigui cu e bon trabao.
