Lider di Raiz Ursell Arends a vota na Amalia Bassisschol”
ORANJESTAD (AAN) — Den oranan di mainta trempan, lider di Partido RAIZ, Ursell Arends, a deposita su voto na Princess Amalia Basisschool. Arends a haci un yamada na henter e pueblo votador pa sali eherce nan voto, pa por celebra democracia y pa cambia politica di Aruba pa semper.
“Esey ta e yamada cu nos ta haci na comunidad. RAIZ a mustra di ta cumpli, nos a traha duro durante e ultimo tres añanan y mey, nos a haci diferente cambio den gobernacion y tambe den politica, pero e trabaonan no a caba ainda”, Ursell Arends a expresa.
RAIZ ta presenta un lista di 11 lider den comunidad, cu ta cla pa sirbi Aruba, y su votadornan ta exigi un democracia bibo. “No solamente sali cada cuater aña vota, pero durante full e transcurso aki nan kier participacion den e decisionnan cu nos ta tuma como pais, y esey ta loke nos a haci. Nos a inclui participacion di tur sindicato y tur gremio cu kier a participa y esey ta loke nos a brinda nan”, Arends a indica. El a reitera cu e trabao no a caba! El a gradici e gran sosten ricibi di pueblo di Aruba.
