SAN JUAN: Tres Dominicano y un Mericano a wordo aresta, ora cu nan tabata den un speedboat tipo yola moviendo riba lama mey-mey di Republica Dominicana y Puerto Rico,
y abordo nan tabatin mas di 300.000 Dollar, arma, y municion.
Oficialnan di Patruya di Frontera na Puerto Rico a confisca 349.950 Dollar, como tambe e boto crioyo di 18 pia largo, dos outboard engine, 2 arma di candela, 3 charger, 71 cartucho, un Tablet, un GPS Receiver, y dos smartphone.
E agentenan na Stacion Ramey a detecta riba un boto cu ta bayendo direccion pabao, na 4 miya di Aguadilla (Puerto Rico), sin cu e tin luznan cendi. Mesora a contact un unidad marino di Agencia FURA cu mesora a bay pa nan y stop nan.
Awor Homeland Security Investigations a confisca e droga y ta bay investiga e caso.
