Votamento a cuminza pa e premio di Oranje Fonds
ORANJESTAD (AAN): Habitantenan di Caribe por vota ya e siman aki caba pa nan candidato faborito pa e premio ‘Appeltje van Oranje’. Dies organizacion di Caribe ta bin na remarke pa gana e premio. Oranje Fonds ta entrega cada aña un ‘Appeltje van Oranje’ na tres organizacion cu ta dedica pa crea un sociedad conecta den Hulanda y Caribe Hulandes. Bo por vota te cu dia 27 di Mei via e website:
Lo bay tin dies dia pa vota! Oranje Fonds a anuncia na Maart caba e nomber di e organizacionnan cu candidato pa ricibi Appeltje van Oranje. E organizacionnan den Caribe ta forma parti di e cincuenta candidatonan en total. Esnan di Caribe ta:
(*) Stichting Trampolin pa Trabao -Aruba.
(*) Fundacion Pa Nos Comunidad -Aruba.
(*) Fundacion ADRA -Aruba.
(*) Stichting Hestia Stichting Hestia -Curaçao.
(*) Mega D Youth Foundation -St. Eustatius.
(*) Freegan Food Foundation -St. Maarten.
(*) Fundashon ManUniko -Curaçao.
(*) Excellence Center in Education Foundation (ECE) -Curaçao.
(*) Fundashon Sentro di Bario Otrobanda -Curaçao.
(*) Leaders for Change -St. Maarten.
Publico lo dicidi via di votamento, cual organizacion lo bay bira e prome nominadonan. Despues di esey, un hurado lo determina cual otro nuebe organizacion lo wordo wnomina durante un dia di presentacion na Juni. E dia ey, tur e candidatanan lo presenta nan mes na otro y na hurado. Tres organizacion ta gana finalmente e Appeltje van Oranje. Na October, Reina Maxima lo anuncia cua di e tres organizacionnan aki lo ricibi un premio.
Lucha contra pobreza: Pobreza ta un problema persistente na Caribe. Su impacto ta enorme y ta afecta salud, e oportunidadnan y e capacidad di participa den sociedad. Un di cada tres habitante den Caribe ta biba den pobreza. Maneho actual contra pobreza ta hopi complica of no ta suficiente, cu ta stroba e personanan ta haya e apoyo cu nan mester di dje. Pesey, e iniciativanan social ta indispensabel pa reduci y preveni pobreza. Nan ta hopi cerca di publico, ta conta cu nan confianza, y ta ofrece e apoyo cu e personanan tin mester di dje.
Oranje Fonds ta entrega e premio ‘Appeltje van Oranje’ na tres iniciativa cu ta promove un sociedad inclusivo y comprometi. Pa por haya e premio, e iniciativanan aki mester ta unico, creativo, y significante, y ta por lo menos dos aña activo. E tema di Appeltjes ta cambia cada aña. E premio ta consisti di un estatua chikito di brons, diseña y realiza pa Prinses Beatrix y un suma di 25.000 Euro. E placa por wordo gasta libremente den e metanan di e iniciativa ganador. Cada aña, Reina Máxima ta entrega e tres Appeltjes van Oranje na Paleis Noordeinde.
