ORANJESTAD (AAN): Ministro Demisionario Dangui Oduber ta contento di informa cu tin un bunita proyecto mas cu ta den tramite pa start.
Como parti di a maneho di turismo y tambe historia, na comienso di aña 2023 a colabora cu e comision di Aruba, Outdoor Amenities, huntu cu ministerio di Infrastructura y TPEF a sigui explora e vision pa sigui preserva y restaura nos historia. Den cuadro di esaki a proyecto pa preserva y embeyese e area di bunker riba cero colorado a cristalisa.
E parkeo di e area aki lo worde restaura, embeyese y tambe lo introduci un “Memorial Area” den cual nos localnan y turista por lesa y conoce mas di nos historia. Mas bien riba e historia di e area, cual ta e Ammo Bunker, Lighthouse y nan funcion tempo di guera.
Esaki ta un otro bunita proyecto cu tabata tin varios luna caba den preparacion y ta sumamante conento di mira nan bay worde realisa.
Mi kier a duna un aprecio y gradicimento na nos departamento di obra publico (DOW) di pa diseña y encamina e proceso di destaho y tambe TPEF pa kere den e proyecto. Por ultimo e comision Aruba Outdoor Amenities pa tin e aprecio pa nos historia y cultura.
Trabao nan ta premira pa start pronto y lo dura algun luna. Corda tene na cuenta cu e area den momento nan di construccion. Minister ta hopi satisfecho di mira cuanto proyecto a worde ehecuta caba y cuanto lo bay cuminsa e aña aki.
