SETAR orguyoso di por sigui expande su servicio di camara rond Aruba
ORANJESTAD (AAN): Dialuna mainta SETAR conhuntamente cu su Excelencia Minister di Husticia y Asuntonan Social, Sr. Rocco Tjon, a presenta e proyecto di “Video Surveillance System” pa e area di beach cuminsando desde e edificio di Strandpolitie te cu Fisherman’s Hut.
SETAR hunto cu e compania di camara Avigilon lo ta encarga cu e proyecto aki. SETAR tin un experiencia amplio den implementacion di e sistema di Avigilon na otro empresanan y instancianan vital di nos isla.
E “Video Surveillance System” di Avigilon ta un sistema moderno cu lo ultimo den software cu solucionnan manera Artificial Intelligence (IA) & Video Analytics, Cameras & Sensors, Video Infrastructure y Video Management Software.
Cu varios camara instala rond di e area di beach indica, e camaranan special aki lo brinda visibilidad maximo na Polis y asina garantisa e seguridad di nos bishitantenan y tambe localnan cu ta haci uzo di e area di beach aki.
SETAR ta orguyoso di por implementa un otro proyecto di camara di e magnitud aki cu ta aporta na e bienestar y seguridad di nos bishitantenan y localnan.
SETAR ta sigui demostra cu banda di e servicionan di telefon fiho y mobil, Internet y TV cu nan ta ofrece, tambe nan ta sigui crece den otro tipo di servicionan di calidad y cu garantia.
