Preparacion pa temporada di horcan:
ORANJESTAD (AAN): Teniendo na cuenta e temporada di horcan ta bay lanta cabes den e siguiente simannan, siguientemente algun di e tips cu Departamento di Salud Publico ta suministra na comunidad.
Durante temporada di horcan ta hopi importante pa prepara un plan di emergencia pa famia, pero tambe pa e mascotanan di cas.
Aki tin algun tip con pa prepara bo mes pa bo mascotanan ta proteha den e temporada aki:
☑Prepara un espacio cu ta duna proteccion contra awa y biento fuerte. Si e mascota por ta paden cerca di famia, ta miho. Esaki lo yuda mantene e mascota trankilo.
☑Percura pa e espacio ta confortabel cu ta contene awa, cuminda y e obhetonan preferi di bo mascota.
☑Zorg pa tin suficiente cuminda y awa pa e mascota, minimo durante 7 dia.
☑Acumula materialnan necesario pa mantene higiena di bo mascota durante e dia/oranan cu e ta den cas. Materialnan manera papel di corant, saco di sushi y pads pa vloer, entre otro.
☑Si durante of despues di horcan bo famia mester evacua, hiba bo mascota cu bo, no lag’e atras.
