Darlaine Guedez-Erasmus:
ORANJESTAD (AAN): Dia 9 di September 2020 Parlamento di Aruba a pasa e ley mes di Ombudsman unanimamente. Despues di esaki a haci otro reunionnan pa asina por haci cambionan tocante e ley aki. E ley aki ta un ley cu MEP ta carga den su totalidad y ta mira e gran importancia pa esaki, Parlamentario di MEP, Darlaine Guedez-Erasmus a duna di conoce
Ultimo cu a trata e ley tabata 23 januari 2023 cu e cambionan manera e nombramento y e ontslag di e Ombudsman y e Kinderombudsman y investigacion pa mucha y hoben.
E profielschets a keda finalisa na mei 2023 y desde diabierna 8 september 2023, e vacatura pa Aruba haya su prome Ombudsman a sali y por mir’e riba gobierno.aw. Lo por mira tur e rekisitonan riba e site y por manda un email na This email address is being protected from spambots. You need JavaScript enabled to view it.. Tin e oportunidad te dia 29 september 2023 pa aplica.
E Ombudsman su tarea primordial ta defende e interes di e ciudadano y supervisa e calidad di e servicionan publico den un pais. Cu un otro palabra E Defensor di Pueblo lo yuda comunidad investigando nan keho y/of denuncia.
Alabes E Defensor di Pueblo ta pa yuda e aparato gubernamental pa mehora nan proceso y proceduranan basa riba e resultado di su investigacionnan y informacion adkeri.
Pronto Aruba lo conoce su propio Ombudsman y ciudadanonan lo tin un lugar special pa acudi pa haya oido pa nan preocupacion.
