PORT OF SPAIN: E hoben conoci como Nkosi ‘Sucre’ Sucre, a sali victorioso den e prome competencia Caribense di Ultimate Soca Champion den categoria hubenil.
E competencia cu a ser teni den e famoso sede di Queen’s Park Savannah na Trinidad & Tobago den fin di siman, a mira seis talentoso cantante subi escenario pa competi pa e titulo.
E canto di Sucre di e cancion ‘The Greatest’, a yude gana e premio maximo di 200 mil Trinidad Dollars (como 53.100 Florin). E di dos lugar a bay pa Verrse cu e cancion ‘Pump It Up’, mientras cu e cantante Christo a gana di tercer premio cu su cancion ‘Unity’.
E competencia tabata parti di un evento di mas grandi cu a inclui un categoria di adulto, cu a consisti di artistanan prominente di henter Lama Caribe. Entre esnan famoso cu a presenta tabata Nailah Blackman (Trinidad) cu cancion “Forever”, tambe Orlando Octave (Trinidad) cu e cancion “Auction”, y tambe Akhenaton Lewis conoci como Yung Bredda (Trinidad) cu “Greatest Bend Over”.
Tambe cantante Wrenroy Ogiste conoci como Blaka Dan (Grenada) cu cancion “Blessing”, y Shondell Amada conoci como Dash (Grenade) cu cancion “The Tape”, entre esnan cu a participa.
E ganador di e Categoria Adulto cu ta bin cu un premio substancial di 2.000.000 Trinidad Dollars (como 531.000 Florin) lo wordo anuncia Diabierna awor, dia 28 di Februari 2025.
