Relaciona cu su biahe pa Curaçao
ORANJESTAD (AAN): Diabierna mainta Prome Minister Evelyn Wever-Croes a sali pa Curaçao riba un invitacion cu su persona a ricibi di Banco Central di Curaçao pa atende un simposio riba e “Footprints of Government on the Economy”, e Efecto cu Gobierno tin riba e Economia.
Prome Minister ta atende e simposio aki hunto cu Prome Minister di Curaçao y Sint
Maarten pa asina haya sa mas riba kico ta e recomendacionnan pa cu desaroyo economico y e rol cu Gobierno lo tin pa cu esaki. Despues di e simposio, Prome Minister ta reuni cu prome Minister di Curaçao y Sint Maarten pa asina pasa riba varios tema pendiente manera e posicion di e paisnan den Reino, e desaroyonan nobo den Reino y con e islanan por traha mas cu otro.
Prome Minister a indica cu apesar cu e ta den un posicion como Prome Minister demisionario, e lo sigui haci e trabaonan necesario, y lo sigui cumpli cu su responsabilidadnan. E relacion entre Aruba, Curaçao y Sint Maarten ta uno hopi importante no solamente pa e Gobierno aki sino pa cualkier otro Gobierno cu Aruba lo conoce den futuro
