ORANJESTAD (AAN): Prome Minister Evelyn Wever-Croes a bishita Señora Yvonne Laclé-Dirksz na Kabinet Gouverneur.
Señora Laclé-Dirksz pa e ultimo 5 añanan tabata Gobernador Interino di Pais Aruba. Señora Laclé-Dirksz a sirbi nos Pais y Reino na forma ehemplar, asistiendo caminda cu por cu conseho y guia durante ausencia di Gobernador di Aruba Su Excelencia Alfonso Boekhoudt.
Señora Laclé-Dirksz, pa medio di un carta dirigi na Su Mahestad Rey Willem Alexander, a haci peticion pa Rey concede su retiro di su funcion como Gobernador Interino prome cu fin di termino. Esaki pa dedica mas tempo na su famia.
Prome Minister den nomber di Gobierno di Aruba, ta gradici Señora Laclé-Dirksz pa su dedicacion y servicio den su funcion como Gobernador Interino y ta desea Señora Yvonne Laclé-Dirksz exito y tur cos bon.
