ORANJESTAD (AAN): For di Hulanda a yega e noticia tristo cu dia 2 di october, señor Jan Veneman a fayece na Hulanda, na edad di 80 aña.
Aunke e no a nace na Aruba, el a bin biba na Aruba na edad di un aña y semper a sinti su mes Arubiano 'de pura cepa'.
Segun su yiu, Ramon Veneman, su compañeronan studiante na Colegio Arubano, lo cord'e como 'mala-mucha' pa su chansanan.
Na 1974, Jan Veneman a tabata traha como trahado social na loke den tempo ey tabata conoci como 'Stichting Blindenzorg Aruba', y cu su yudansa a cambia pa FAVI (Fundashon Arubano di esnan Visualmente Incapacita). Na FAVI, Jan su nomber lo keda graba pa semper como un di su motornan esencial, cu tur su energia el a lanta tambe e prome revista 'Dinta'.
Ademas Aruba ta conoce Jan como e prome dirigente di e Bureau voor Levens- en Gezinsmoeilijkheden, como director di CEDEARUBA y Parke Arikok y varios otro instancianan.
DIARIO ta manda palabranan di condolencia na famia y conocirnan di Jan. Cu Jan sosega na paz.
