Xyriant Hieroms:
ORANJESTAD (AAN) E meta di Fundacion Ja Ik Aruba ta pa yuda hobennan cambia nan situacion y para riba nan pia, ta loke cu su director señor Jalken Antonia ta bisa. Ya ta hopi hoben a sigui e programa y por a sea sigui nan estudio of a drenta e mercado labora. Recientemente den entrevista cu DIARIO, e hoben Xyriant Hieroms a papia di loke cu a motiv’e pa sigui y caba cu e programa.
Xyriant ta un hoben cu ta cobrando bijstand y ta bayendo e progama di Ja Ik. El a wordo manda door di e Departamento di Asuntonan Social (DAS). E ta menciona cu na prome instante el a sinti e presion cu esaki ta algo obligatorio y cu si e no bay, e lo por perde su bijstand. Al contrario, Xyriant a bisa, el a wordo cambia, inspira y motiva pa sigui y caba e programa. “E programa e cende un luz den mi bida personal y di otronan cu a sigui e programa”.
Xyriant ta conta cu e no tawata tin interes na yega pia di trabou of no por yega pa motibo cu no tin hende pa cuida su yiunan. Apesar cu ainda e tin esaki, e programa a cambia su pensamento pa no ‘give up’ y busca solucion pa yega trabou y no keda depende riba otro.
Su meta ta pa despues di januari na final di e programa, e por sali cambia, cu otro mentalidad y personalidad y drenta mercador laboral cu exito y motivacion.
