ORANJESTAD (AAN): E ta un indicacion cu danki na e vacuna, Prinses Beatrix na Hulanda apenas a keda un siman malo despues cu el a haya Covid-19.
El a keda isola na cas pa un siman, y unico sintoma cu el a ricibi tabata algo similar cu verkoud.
Manera ta corda, Diasabra dos siman pasa el a sinti curpa malo y a haci test di Covid-19. Esaki a bin positivo, y for di e tempo ey el a wordo poni riba isolacion na cas.
Oficina di Informacion di Reino a divulga Diasabra, cu Prinses Beatrix a sali for di isolacion, y e ta gradici tur hende pa e tur mensahenan cu el a ricibi.
