Mientras cu prijs promedio di awa pa vivienda a keda Afl. 168.73
ORANJESTAD (AAN): Prijs di utilidad (electricidad y awa), gasolin y diesel ta wordo determina primordialmente door di e prijs internacional di petroleo.
Na Juni 2023 e prijs promedio pa bari di petroleo (US$ 70.12) a conoce un caida di US$ 1.74 (-2.4%) compara cu Mei 2023 (US$ 71.86).
Prijs di electricidad y di awa no a cambia compara cu Mei 2023. Consecuentemente, e prijs promedio di electricidad pa vivienda a keda Afl. 274.57, mientras cu e prijs promedio di awa pa vivienda a keda Afl. 168.73.
Prijs di gasolin a registra un caida di Afl. 10.80 cent (-4.0%) na Juni 2023 y a causa un efecto di -0.21 ppt riba e CPI. Prijs di diesel a registra un caida di Afl. 12.40 cent (-5.6%) na April 2023 y a causa un efecto di -0.02 ppt riba e CPI.
Na Juni 2023, utilidad, gasolin y diesel como grupo, tawata tin un caida di prijs di 1.3% compara cu Mei 2023 y hunto tawata tin un influencia di -0.23 ppt riba e CPI, mientras cu e restante 404 bienes y servicio hunto, a conoce un caida di prijs di 0.2% y tawata tin efecto un efecto di -0.15 ppt riba e CPI.
