Minister di Salud y Premier Eman cu:
ORANJESTAD (AAN)- Den un entrevista cu Presidente di Parlamento, señor Marlon Sneek, el a menciona, entre e Leynan cu mester pasa prome cu e recess di December, un proyecto iniciativa di Ley proponi pa Minister di Salud drs. Mervin Wyatt-Ras y Prome Minister Mike Eman y esaki ta pa no warda pa e suma di bijstand cu ta wordo otorga na hobennan cu tin limitacion of un capacidad di algun indole, wordo duna te ora nan cumpli 18 aña, sino for di momento cu nan nace cu e incapacidad.
E ley aki ta titula “Landsvordening tegemoetkoming voor kindweren met een intensieve zorgbehoefte” cu traduci na Papiamento e yama “Ley di Compensacion pa muchanan cu mester di cuido intensivo).
Tin indicacion cu e iniciativa aki, cu originalmente a cuminza como un proposicion den Parlamento na aña 2021, tin como meta brinda un ayudo financiero structural na famianan cu tin yiu cu un limitacion of incapacidad cronico (fisico, mental, psicologico of di conducta), desde cu nan nace y cu prome nan tabata ricibi te ora nan yega 18 aña di edad.
Esaki sigur ta un bon iniciativa cu ya caba ta di conocemento di comunidad, y cu hopi hende, y sigur mayornan cu tin yiu cu un incapacidad ta aplaudi.
