ORANJESTAD (AAN): President di Hoge Raad, esta Dineke de Groot lo bay haci un bishita di trabao na Aruba, Curaçao y St. Maarten.
E president di Hoge Raad ta e Tribunal den Casacion cu ta atende casonan cu ta bin di Hulanda y di Caribe Hulandes. Door di flexibilizacion di medidanan pa mitiga Coronavirus, awor pa Dineke de Groot a bira posible pa haci un bishita di trabao na e tres islanan pa asina sigui perfila e conexion cu tin cu ley y husticia den Caribe Hulandes.
Su bishita di trabao ta dedica pa conoce cu e Gobernador interino di Aruba, Sra. Yvonne Lacle-Dirksz, Gobernador di Curacao, Lucille George-Wout, Gobernador di St. Maarten Eugene Holiday, tambe Prome Ministro Evelyn Wever-Croes di aruba, Prome Ministro Gilmar Pisas di Curacao, Prome Ministro Silveria Jacobs di St. Maarten, e Hueznan y Administradornan di e Tribunalnan, Ordo di Abogado, y Ministerio Publico di e islanan. E lo bay duna tambe na Universidad di Aruba y Universidad di Curacao un conferencia (‘gastcollege’) encuanto Hoge Raad den 2021.
De Groot ta president di Hoge Raad desde 1 November 2020. E ta e prome muher cu ta presidi e tribunal maximo desde cu esaki a wordo crea na 1838. De Groot ta miembro di rechterlijke macht desde October 1990.
Despues di su educacion como Huez, desde 1996 e tabata liga cu Corte di Amsterdam, y desde 2009 tambe na e Corte Superior di Arnhem. Desde 2012, De Groot ta trahando na Corte Superior den derecho civil y fiscal, prome como Huez y desde 1 di Januari 2018 te cu 1 November 2020 como vice-president. Desde mey-mey di 2011 e ta ademas un profesor di Derecho y Resolucion di Conflicto na Vrije Universiteit Amsterdam.
