ORANJESTAD (AAN): Recientemente Gobernador Interino di Aruba, Agustin Vrolijk, a ricibi Sra. Renate Raven, Presidente di Fundashon Ultimo Deseo Aruba (FUDA), pa un audiencia.
E tabata un reunion di introduccion, durante cual e discusion a enfoca particularmente riba e obhetivonan di e fundacion, e forma cu nan ta purba di duna substancia na esakinan, y e retonan cu nan ta experiencia den practica.
FUDA ta cumpli e ultimo deseonan, sin cobra gasto, pa personanan inmobil y terminal na Aruba, sin importa nan historia social of cultural y/of nan status. FUDA su mision ta pa duna cada persona terminal na cama e atencion cu e merece, pa preveni cu e persona fayece sin haci un ultimo deseo realidad.
Door di experiencia e evento aki nos kier hisa e calidad di bida den e ultimo periodo ey, pa trece sikiera algun luz pa e persona mes y su hendenan den e ultimo dianan. E potret aki pa cortesia Kabinet Gouverneur Aruba.
