ORANJESTAD (AAN): E keintura di Carnaval 70 ta dominando Esaki ta haci cu manera custumber Departamento di Agricultura, Cria y Pesca Santa Rosa no ta organiza ningun Mercado den e temporada di carnaval.
Esey ta haci cu si nos a planifica tur cos caba pa loke ta trata nos Mercado y tambe nos Pop Up Marketnan manera por a mira cu a worde organiza aña pasa.
Pa loke ta trata nos mercadonan manera custurmber esaki ta worde organiza den luna di April 2024 cu mundialmente ta worde celebra “Dia di Tera”. Esaki ta worde combina cu un dia publico hunto cu nos afamado Mercado Santa Rosa. Mescos ta conta pa luna di oktober 2024 caminda nos ta celebra e fecha di Dia di Alimentacion di cual esaki tambe ta worde combina cu dia publico y Mercado.
Pop Up Market nos inicia cune aña pasa y hopi ta esnan cu a encanta e concepto aki cu ta duna oportunidad pa bin cumpra bo product fresco sin mucho esfuerso y despues sigui bo caminda. Ta simplemente ta productornan cu tin producto disponibel e momento ey ta haya oportunidad di ta den nos Pop Up Market aki mes na Santa Rosa.
Ta simplemente un tent grandi ta worde poni y por acomoda mas o menos 15 productor cu ta ofrece nan product na e momento ey. Esaki lo bay worde haci riba diasabra cuminsando den e prome siman di maart venidero. Por mira nos schedule di e fechanan cu a worde planifica pa e aña aki. Tur Pop Up Market lo ta riba diasabra for di 8’or te cu 11’or di mainta pa asina abo por probecha di haci bo compras.
Por tuma nota di e schedule pa e aña aki y cuminsa planifica bo bishitanan aki na Santa Rosa pa loke ta bay ta nos “Pop Up Marketnan” y tambe nos dianan publico hunto cu Mercado Santa Rosa. Tene cuenta si cu fechanan por cambia dependiendo na disponibilidad di producto local.
