ORANJESTAD (AAN): Preparacionnan pa Celebracion Dia di Himno y Bandera 2022 a cuminsa den ultimo simannan y DIARIO
a tuma nota riba trabaonan pa embeyece varios rotonde cu banderanan di Aruba. Sigur un bunita bista tanto pa mustra orguyo pa nos Himno y Bandera, pero sigur pa turistanan cu ta bishita nos isla.
E siman aki, Minister di Cultura a anuncia, cu e aña aki a scoge como tema un di frasenan conmovedor di nos Himno: Aruba, “Chikito y Simpel Bo Por Ta Pero Si Respeta”.
Un frase cu ta identifica cu pa nos Pais no tin barera, aunke con chikito cu nos por ta, e amor pa nos Pais ta asina grandi, cu no tin nada pa kibr’e.
