BOGOTA: Fanaticonan di e cantante colombiano Karol G, y e futbolista di Cucuta, James Rodríguez ta sigui specula riba un posible relacion entre e dos figuranan aki,
despues cu rumornan a cuminza circula cu nan ta hunto pa algun luna caba.
Karol G kende a finaliza su noviazgo recien cu e cantante Anuel AA (kende awor tin un relacion cu Yailin ‘La Mas Viral’), tin di corda cu James tambe a kibra su relacion cu e modelo venezolano Shannon de Lima, pues nan dos lo por ta dunando otro chens un biaha mas den amor, cu un relacion hopi aleha di social media y for di lens di fotografonan.
Sinembargo te cu awor no tin prueba cu nan dos a drenta un relacion cu otro, pero si tin muestra cu nan tin bon amistad. Uno di nan ta un potret cu e futbolista a pone riba su Instagram na Juni 2021, unda e ta para hunto cu e cantante. Su yiu muher Salomé Rodríguez tambe a publica e mesun dia ey un potret cu e artista.
E rumornan cu e amistad entre James y Karol a bira uno di amor, a aumenta despues cu e futbolista a cambia e color di su cabey for di preto pa blauw, den mesun tono cu e cantante. E fanaticonan di tur dos a interpreta cu esey no ta djis un coincidencia, sino un acercamento entre nan dos.
Fanaticonan ta insisti tambe cu e futbolista y e cantante a viaha den mesun avion, despues cu nan dos a comparti algun historia riba nan social media, y cu cada otro ta poniendo mas “like” di otro riba nan accountnan oficial ultimo lunanan.
