ORANJESTAD (AAN) – Director di Aruba Port Authority, mr. Marc Figaroa, den conferencia di prensa Diahuebs mainta, a declara cu e intencion di APA tabata cu entre April y comienzo di Mei proximo,
mayoria di e crusero lo tabata completamente operacional bek, cu full nan flota y conforme nan schedule.
Lamentablemente, manera omicron a afecta Aruba tambe a afecta e industria di crusero, y te cu aworaki tin proyecta cu mas of menos na Juni venidero, lo por wak cu e cruseronan lo ta completamente operacional atrobe.
Esey ta encera cu nan lo ta bendiendo bek e capacidad di e cruseronan na 100%. “Na e momentonan aki, nan ta bendiendo un maximo di 70% pa motibo di e distancia social y tur e protocolnan di salud cu mester enfrenta, pa evita un contagio abordo”, Director di APA Marc Figaroa a señala.
