Por lo menos 1172 mucha a participa den e Parada di Mucha Oranjestad, yena cu color y creatividad

ORANJESTAD (AAN) — Aproximadamente 1172 mucha a participa den e Parada di Mucha na Oranjestad, diadomingo 28 di Januari ultimo.

            Varios grupo di Noord a join e Parada Grandi di Mucha di Oranjestad, entre nan algun scol. E tabata masha bunita yen di color y fantasia, y por a mira cu a uza e tema di buki durante e parada entre otro temanan  interesante, cu ta refleha parti di nos cultura, manera lesamento.

            Un tema cu a hala hopi e atencion di e publico ta “Kitrin di Florin” presenta na un forma hopi creativo pa asina engrandece nos carnaval ainda mas. E carosanan tambe tabata masha bunita, colorido y creativo.

            Un parada hopi alegre, e muchanan no a stop di balia, y nan a haya hopi aplauso y apoyo di e publico presente.

{gallery}Por lo menos 1172 mucha a participa den e Parada di Mucha Oranjestad, yena cu color y creatividad{/gallery}