Dr. Joyce Pereira ta indica:
ORANJESTAD (AAN): Dr. Joyce Pereira di Fundacion Lanta Papiamento a duna di conoce cu den Constitucion di Aruba Art 1. 1 ta bisa cu tur persona cu ta biba na Aruba ta haya trato igual den circunstancia igual. Discriminacion a base di religion, creencia, opinion publico, sexo, color, idioma, origen nacional of social, etc, no ta permiti, pero "nos ta permiti'e toch".
Por constata cu na Aruba 5% so di e muchanan ta haya les den nan idioma. Kiermen cu ta nan derecho so ta cumpli cu ne, Pereira a splica durante un lectura recien den cuadro di Dia di Idioma Materno.
El a sigui bisa cu asina e muchanan ta experencia enseñansa na Aruba. For di un investigacion a sali na cla cu Papiamento te ainda, a pesar di e crecimento di e popularidad di ingles, Papiamento te ainda ta e idioma mas popular y hulandes esun menos popular.
