ORANJESTAD (AAN): Tabata Diamars cu un unidad di Ambulans a dirigi su mes cu urgencia na un Agencia di Auto local, como cu un accident a registra den garage y un trahador a resulta herida.
Ora cu Ambulans a yega na e establecimento pabao di Brug, nan a bin topa cu e situacion cu un Pickup hisa den halto riba un ‘Garage Vehicle Lift’, pa un motibo of otro a sali cay for di e extended arms cu tine wanta ariba.
E Pickup a kentel y bin abao riba un trahador di e Agencia cu e momento ey tabata trahando riba e vehiculo. Esaki a pone cu el a haya golpi basta fuerte na su cabez.
Paramediconan a atende cu e victima, a haci’e algun pregunta pa mira si e ta orienta su mes bon ainda, y cu urgencia a bay cune rumbo pa Servicio di Emergencia na Hospital pa ricibi tratamento.
Si tur cos ta corecto, Departamento di DTI tin di bay check kico exactamente a socede cu e aparato a laga full un vehiculo bin abao.
