MIAMI: E popular cantante Phil Collins tin un bataya legal cu su ex-pareha pa un mansion na Miami.
Un di e tantisimo acusacion contra dje, ta cu e musico aki no ta gusta baña. Awor dilanti Husticia e lo tin di bay responde na esey.
Orianne Cevey, cu kende e musico ingles a casa na 1999 y a ripiti e enlace na 2015, ta insisti cu Phil no tabtaa skeiro su dientenan pa varios luna, y a djis stop di drenta bao cranchi y baña. E tabata bira ‘depresivo, abusivo y incapaz di mantene relacion sexual” debi na su adiccionnan.
Mesora abogadonan di Phil a sali na su defensa, y a bisa cu e comentarionan ey ta ‘escandaloso’, sin etica y grandemente ta falso of exagera na forma grosero. Nan a bisa cu tur esaki ta totalmente irelevante den e disputa pa e cas.
E pleito entre nan ta bin despues di 15 aña. Na 2006 ora cu nan a separa, e muher a muda un homber pa e cas cu Phil tin na Miami.
Segun Orianne Cevey, den pasado Phil a priminti cu si e separa di e persona cu kende e ta biba, e lo duna 50% di e mansion na Florida, y awor como cu Phil Collins no kier cumpli cu su palabra, e ta pleitando den Corte pa nan purba kita e promesa ey.
Pero Phil Collins cu awor tin 70 aña di edad, ta buscando pa Huez pone e muher sali di e mansion na Miami, unda e muher ta bibando cu su pareha nobo.
E declaracion hura di Phil Collins den Corte lo bay ta na December, ora cu su actual Tour Musical finaliza.
