ORANJESTAD (AAN): Tabata den oranan di atardi, cu un unidad di Guardacosta di Caribe Hulandes cu punto di sosten Aruba, tabata patruyando den area zuidwest di Aruba.
E patruya aki di oficialnan abordo di e speedboat specializa MetalShark tabata patruyando den area di Paardenbaai. Diripiente diferente yamada a drenta, mustrando cu un velero chikito a bolter y ta den peligro.
Mesora e unidad aki a cuminza mobiliza pa e area pa asina check si por topa cu e boto di bela chikito aki, y cu tabatin un persona abordo.
E personal di MetalShark enberdad a bin topa cu e boto aki cu a bolter na como 1 miya for di Paardenbaai, y tin un persona masculino riba dje. Aunke e boto a bolter, e no a sink y a keda drief.
E persona tabata sinta riba e kiel di e boto wardando yudanza yega. Metalshark a tuma e persona abordo i a lastra e boto back pa Nikki Beach. E persona tabata OK di salud y no tabatin necesidad di busca personal medico pe.
