ORANJESTAD (AAN): Siman pasa, DIARIO a ricibi hopi reclamo, principalmente di parti di pensionadonan,
cu a keda sin nan Toter (baki) di Sushi dilanti nan cas. Esey ta debi cu Serlimar a pasa piki e bakinan aki di esnan cu no a paga.
DIARIO a sugeri nan pa yama Serlimar y reclama tambe. Pero nan a bisa cu nan ta haya esaki “algo hopi unprofessional” di parti di e compania di Serlimar, ya cu no solamente nan ta perde cliente, pero no lo haya e placa cu tin riba caya.
Pensionado a bisa cu na su opinion, ta parce cu esun of esunnan den Serlimar, no sa ta con ta draai un negoshi y ta core hasi cosnan descabeya, sin pensa riba e consecuencianan.
