ORANJESTAD (AAN): Na sede di Partido MEP a tuma luga e sorteo virtual di e rifa pa recauda fondo pa Partido MEP.
Partido MEP ta gradici tur esnan cu a contribui den e recaudacion aki pa yuda Partido. E rifa a wordo hopi bon bendi y tabata sold out pa varios dia prome cu e sorteo a tuma luga. Partido MEP ta hopi satisfecho y agradecido. Total 13 mil florin ta wordo reparti den 5 feliz Ganado.
E numbernan ganado ta:
- Prome premio: 17090: 10 mil florin cash
- Di dos premio: 15251: 1500 florin cash
- Di tres premio: 08666: 750 florin cash
- Di cuatro premio: 12896: 500 florin cash
- Di cinco premio: 01540: 250 florin cash
Lider di Partido MEP, den nomber di Partido MEP, ta gradici tur esnan cu un biaha mas ta sostene MEP durante e ultimo 50 añanan,
Partido MEP lo sigui traha incansablemente pa logra alcansa e maximo felicidad pa cada ciudadano riba e pida baranca aki. Covid a causa hopi daño economico y financiero na nos pais, y e compromiso MEP cu cada ciudadano di nos pais ta pa Aruba recupera.
