ORANJESTAD (AAN): Diaranson mainta durante e Ceremonia Protocolar na Wilhelmina Park relaciona cu Dia di Rey,
e wowo di fotografo di DIARIO a nota algo raro net otro banda di caminda, cerca di Lagoen.
Aki tin un palo di luz cu ya no tin stabilidad mas na su base, y esey a pone cu e awor por mira con e Palo di Luz a bay di banda, y e ta comosifuera ta ‘descansando’ den ramanan di e palo grandi di mata cu tin net eynan.
Esaki ta hopi cerca di Plaza 18 di Maart. Aunke tabata den dia, por a nota cu e filamento di luz den e Palo aki tabata cendi, esey nifica cu e light-sensor ta bon tapa mey-mey di e blachinan di e mata aki, cu e Palo di Luz ta keriendo cu ta anochi.
E speranza tey cu e instancia encarga lo pasa check esaki, prome cu e Palo di Luz bin full abao y kibra mas.
