Besaril a expresa su mes den Corte
ORANJESTAD (AAN): Diaranson mainta, durante tratamento di e “regie zitting” den e caso penal contra G. Besaril y G. Ling, na dado momento Besaril a expresa su mes fuerte contra Gobierno.
Pakico ami si y otronan no: Besaril a bisa Hues cu no ta facil di tabata un homber di ley (Polis) pa 20 aña y awor ta sinta den stoel di acusado.
El a bisa cu semper el a para pa ley. El a bisa cu semper el a bisa cu e caso no ta bon.
Besaril a bisa Hues cu con Gobierno ta bira pa fundamentonan importante den nos constitucion.
Rapport di CAD no ta corecto: Besaril a bisa Hues cu el a laga e funcionario di fam Paris haya un oficina den Arubahuis y Paris a bay coba den cosnan cu e no mester. El a bisa cu e ta haya cu CAD ta haci cosnan cu no ta corecto y ta pesey su abogado kier pa scucha testigonan y pa e berdad sali na cla.
Na opinion di Besaril, e 21 miembronan di Parlamento cu a aproba e presupuesto cu e mester a atene su mes na dje, awor no ta dilanti Hues pero e si.
El a mustra cu un hende cu tabata sinta na su man drechi den Arubahuis, e homber W., a haci cosnan malo cu placa y cu e si Gobierno a yega na palabracion di pago y W. lo bolbe haya un posicion halto. El a remarca, pakico e ta worde encarcela den prison siendo cu otronan den mesun funcion si no a worde persigui asina.
Na Mei 2025, tratamento di e caso penal lo cuminsa y DIARIO lo informa lectornan tur loke a sosode den Corte.
