Adolfo Maduro, Coordinador di Aruba Muscle & Classic Cars:
*Celebrando tambe Dia di Himno y Bandera y Status Aparte
ORANJESTAD (AAN) -- Adolfo Maduro, Coordinador di e Club Aruba Muscle & Classic Cars Show, tambe a hiba palabra den conferencia di prensa, yama pa Super Do It Center, entorno nan gran celebracion di Dia Nacional Himno y Bandera y Status Aparte, Diaranson aki, Dia 18 di Maart.
Manera a bin ta informando esaki lo tuma lugar riba e Parkinglot di Do It Super Center na Shaba, cuminzando pa 12’or tra’imerdia te cu 6’or di atardi.
Señor Maduro a menciona cu e club ta existi pa binti aña caba, y tin alomenos 75 auto, y 130 miembro.
“Nos no por priminti cuanto auto nos ta bin cu ne nunca, pa motibo cu bo no ta haya tur hunto nunca; 18 di Maart ta un dia cu nos ta haya hopi auto, esey ta sigur!” señor Adolfo Maduro a bisa.
El a splica tambe cu e doñonan di autonan clasico hopi di nan a bira adulto mayor caba, y nan no ta saca e auto mas.
“Por mira bon cla cu varios club a bay atras pa motibo cu nan auto cu nan y nan a bira hende grandi y no ta core auto mas y ningun di nan yiunan ta sigui e tradicion. Si nan yiunan lo a sigui cu esaki nos lo haya hopi auto classic na Aruba. Curacao tin mucho mas. Nos tabata na Curacao ultimamente y nan tin hop bon auto classic y nan kier a bin Aruba pa 18 di Maart, si nan logra e Ferry, y nos tin bon contacto cu nan”, señor Maduro a subraya.
E ora exacto pa nan yega ta 3’or, señor Maduro a señala, debi cu nan tin otro actividadnan tambe. E horario aki a keda confirma cu señor Dirksz, el a acentua.
