ORANJESTAD (AAN) – E artista y diseñador di stampia Elvis Tromp, tambe a elabora, den entrevista cu DIARIO, tocante su serie di stampianan titula: “Agricultura”, pa e emision 2021 di Post Aruba.
Elvis Tromp, manera ta conoci, ta un pintor cu tin un trayectoria di hopi aña desplegando su talento, y e tin mas cu 20 aña ta diseñando stampia pa Post Aruba. E ta calcula cu tin mas di 100 stampia caba cu el a diseña, y el a expresa cu pa su persona y e otro artistanan ta un honor pa diseña algo local, pa duna e toke nacional di Aruba, y e ta sinti cu e publico no sa kico nan ta haciendo, y no obstante e tecnologia moderno cu ta domina e comunicacion awendia, toch ta bon pa manda carchi di Pasco cu stampia afo, of pone un stampia riba un areglo di Pasco, pa asina promove nan arte y e tema cu ta representa Aruba.
Asina por promove e piscamento y e piscadornan, agricultura local, folklore, monumentonan y tur tipo di tema cu ta trata Aruba.
