ORANJESTAD (AAN): Prome Minister Evelyn Wever-Croes a indica cu pa loke ta eleccion 2021, awor cu a dicidi cu no lo uza scanner mas,
e parti di QR-Code y e carchi cu esnan cu tin derecho di voto ta ricibi na cas como stemkaart no mester di ningun adaptacion pasobra no tin ningun cambio riba dje.
Ta bay haya tur loke ley ta exigi di stemkaart (‘oproepingskaart’) y tur loke ley ta exigi cu e presidente di urna y e miembronan di urna ta haci durante cu e persona ta yega y entrega su documento di identidad y stemkaart.
Tur esey ta bay wordo haci y no tin mester di un cambio di ley pa esey pasobra e ta conforme e cuadro legal cu tin, Prome Minister Evelyn Wever-Croes a remarca.
