ORANJESTAD (AAN): E ultimo siman di vakantie, na Bucuti Yacht Club ta preparando un torneo di pesca titula ‘3rd Bucuti Hilisterchi Shootout 2024’.
Esaki lo bay ta riba Diasabra 17 di Augustus 2024, unda lo combina un Dia di Famia riba e ultimo weekend di vakantie prome cu scol start bek.
E Torneo mes lo start 4:00 pm, y a indica cu inscripcion ta cuminza pa 2:00 pm mesun dia na Bucuti Yacht Club mes.
Lo bay tin premio cash pa mihor kilahe, pa 1er premio, y tambe igual pa di 2ndo premio. Lo tin un premio di e Pot cu lo bay pa e Hilisterchi di mas grandi cu wordo captura.
Prijs pa participa pa boto ta 50 Florin. Esnan cu kier participa den e reto di Pot, tin di paga 25 Florin extra pa boto.
A ser splica cu e lugar di pesca ta open, sea patras di cay of den lagoen. Horario di pesca ta cuminsa 4:00 pm, y tur hende mester tey na pier bek prome cu 10:00 pm.
