ORANJESTAD (AAN): Parokia Inmaculada Concepcion hunto cu Asistencia Social Santa Cruz ta tene
riba dianan 8 y 9 di November 2025 venidero, un asina yama “Food Drive”. Esaki lo ta di 8’or di mainta te cu 1’or di merdia na Centro San Martin.
Meta di e food drive aki ta pa yega na suficiente comestibel pa cumpli cu nos clientenan den e luna nan cu ta sigui.
Nan ta haci un suplica riba generosidad di parokianonan, pueblo di Aruba en general y tambe nos comerciantenan.
Por pasa riba e dos dianan menciona y lo ta bay tin personanan presente pa tuma esaki. No tin mester di baha fo’i auto. Di antemano nan ta gradici un y tur cu ta duna un man pa yuda un ruman.
