ORANJESTAD (AAN): Despues di basta tempo, Corte di Husticia na Aruba ta cla pa habri nan portanan un biaha mas pa un ‘Open Dag’.
E lo ta riba un Diasabra, pues esaki ta e oportunidad pa haya un bista patras di cortina na e Corte di Aruba.
Durante e open dag por entre otro tira un bista den e salanan di Corte, y e personal y demas ekiponan di Corte di Husticia y stakeholders tambe lo duna presentacion interesante, e.o. presentacion di Ministerio Publico, y lo duna presentacion di un Caso Penal (ficticio). E ta un bon chens pa bo por combersa c un Hues of un Griffier.
Tambe lo tin boothnan pafo cu stakeholders cu lo duna informacion completo di nan organizacion. Tambe lo tin diferente demostracion, e.o. demostracion di Polisnan di K-9 Unit, booth di Ordo di Abogadonan, booth di Universidad di Aruba, Directie Voogdijraad, Respaldo, y mas.
Nan ta invita pueblo pa ta presente na e dia special aki, cu ta Diasabra 5 di October 2024 for di 9:00 am te cu 2:00 pm.
