ORANJESTAD (AAN): Informacion cu DIARIO ta dispone di dje ta indica cu Diaranson venidero, lo bay tin un Balanzamento di Auto unico cu lo tuma lugar na e evento di Don Flip Racing Team na Cas Ariba.
Balanzamento di Auto e biaha aki lo ta special pa Jeepnan 4x4, unda cada chauffeur lo bay demostra nan habilidad di purba balanza e vehiculo pa e keda zweef den aire cu tur cuatro wielnan.
A haya sa, cu e organizacion di doñonan di Jeep na Aruba, lo bay ta haci nan best durante e actividad aki net banda di e Dam di Cas Ariba.
E actividad mes di Don Flip Racing riba Dia di Rey, 27 di April 2022 lo ta for di 2:00 pm te cu 8:00 pm.
