ORANJESTAD (AAN): Pa un anochi so, despues di un break di 2 aña, Long Table Aruba, organiza pa Wind Creek Aruba ta back cu su di 4 edicion.
E unico mesa di cena di mas largo completamente blanco cu un balor di $40.000 na Aruba! Tickets pa e evento aki por worde reserva via telefon entrante Diaranson 15 Juni 2022 for di 9:00 am te cu 4:00 pm. Cada persona lo tin un maximo di 10 tickets cu e por reserva.
E evento lo tuma luga e aña aki riba Diadomingo 28 di augustus cu tambe lo ta e celebracion di e prome lustro, pues e 5 aña aniversario di Wind Creek Hospitality hunto cu Renaissance Aruba. Pa e tremendo celebracion aki, Wind Creek Hospitality lo sobrepasa e suma di donacionannan anterior di long table Aruba y ta entrega $40.000 na un organizacion local.
Desde diaranson dia 15 di juni, organizacionnan local cu ta interesa pa forma parti di e competencia por registra na Wind Creek Aruba su “community online video program”, organizacionnan local lo tin cu crea un video splicando e motibo pakico nan ta desea pa ricibi e donacion aki. Tur video cu worde entrega lo worde publica riba Wind Creek Aruba su website unda cu pueblo di Aruba lo por vota pa e video ganado cu lo ricibi e suma di $40.000
Tene e siguiente puntonan den consideracion! Solamente organizacionnan local sin fin di lucro y cu ta activo por participa na e competencia (empleado den servicio di Wind Creek Aruba no por participa)
Lo mester entrega un video di 30 pa 60 seconde mustrando e meta di e organizacion, ken nan ta, kico nan ta haci y pakico nan ta desea di worde scogi
Tur video ricibi lo worde publica sin ordo riba e pagina di Facebook di Long Table Aruba for 1 di juli te cu 9 di augustus pa asina e pueblo por admira. Pueblo por vota pa nan video preferi entre 10 y 24 di augustus.
