Director di SVb, Edwin Jacobs, ta reitera:
- Miho informa y evita cu tin cu debolbe placa
ORANJESTAD (AAN) Director di SVb, Ir. Edwin Jacobs, a subraya den entrevista cu DIARIO, cu na momento cu un persona ta registra den Censo, e tin derecho di haya reparatietoeslag.
El a splica cu locual ta determinante akinan, ta e Registro Civil di Aruba, pero ora e persona ta kita su nomber di Censo e ta perde e derecho riba reparatietoeslag.
Tambe el a reitera cu pensionadonan cu ta casa cu un partner mas jong si nan matrimonio no ta dura y nan ta divorcia, e pensionado tin cu informa SVb, pero tin cu no ta informa y pa un par di luna e ta cobrando 800 Florin di mas, cu SVb tin cu cobr’e despues. Pa ley, SVb ta kita un tercera parti di e pension, te ora completa e suma paga di mas.
Jacobs ta aconseha pa den casonan asina, pa e pensionado evita problema, miho informa SVb. “Tin pensionado cu ta conciente y ta informa nos, y tin pensionado cu ora nan combersa cu SVb ta bisa cu nan no tabata sa, y a kere cu Censo ta informa nan.
