Bombero ta adverti
ORANJESTAD (AAN) Algun conseho cu Comandante di Brandweer, señor Francis Toussaint tin pa comunidad, den e dianan di tiramento di klapchi, ta ora cu nan cumpra klapchi, paga nan vehiculo di motor, no huma cigaria den cercania di unda ta bende vuurwerk.
“Si bo tira klapchi tambe, haci’e concientemente, no tire banda di gasoline station.
E cosnan aki tin biaha nos no ta paga tino riba nan, of ta haci’e gewoon pa pret, pero e tin su consecuencianan. Percura pa e area unda bo ta tira klapchi ta limpi. Wak pa ta leu di cabelnan di coriente, tambe percura pa bo chapi bon bo cura, pasobra si bo bisiña ta tira klapchi y ta cay den bo cura, e por cende candela cu’ne”, Comandante Toussaint, di Cuerpo di Bombero, a señala.
