Carlos Martinus ta splica:
ORANJESTAD (AAN): Carlos Martinus, Director di Openbare Avondleergangen Aruba (OAA) a laga sa cu Avondleergangen tin 2 opleiding aworaki. Tin MBO niveau 1 (entree) y MBO Niveau 2. Nan enfoke ta riba educacion 'tweedekans onderwijs' 17 aña bay ariba. Nan sistema ta digital. No ta uzando buki mas. A scoge pa uza licencianan y caminda mester buki nan ta busca, pero esey ta algo minimo, a bisa.
Martinus a agrega cu algo cu nan a introduci e aña aki ta cu nan opleiding ta 'dual'. E ta idioma di papiamento y di hulandes. Principalmente pa e nivelnan mas abao, eynan a haya nan mes obliga di haci'e dual pa por splica e alumnonan e hulandes y nan tin bon experiencia cu esey.
Tin tres pilar cu pa OAA ta hopi importante y esey ta e placer, practica y perspectiva, a señala.
El a splica un tiki mas den detaye. A bisa c aworaki tin MBO 1 ekivalente na ABO 1 (Assistent beroepsbeoefenaar). Esaki ta e persona cu ta asisti den cualkier proceso di construccion. Despues ta bay nivel 2 y e responsabilidad ta mira mas hopi y e ora ta bira un 'beroepsbeoefenaar'.
Martinus a indica cu den e nivel ey caba ya tin mas responsabilidad, pesey e nivel di estudio a subi, pero ainda no ta traha ful independiente.
Ora di bay nivel 2 y cab'e, ta bay na nivel 3 y esaki ta un 'selfstandige beroepsbeoefenaar '. Eynan caba ta traha mas independiente. Tambe tin nivel 4 cu ta ' middenkaderfunctionaris ' specialistanan y esakinan ta e personanan cu ta den 'tekenkamer' cu ta ekivalente awor na EPI nivel 4.
E aña escolar aki OAA ta bay ofrece 6 MBO Niveau 1: Assisten dienstverlening, Assistent bouwen, wonen en onderhoud, Assistent verkoop/retail, Assistent mobiliteitsbranch, Assistent metaa;-elektro en installatietechniek y Assistent horeca, voeding of voedingsindustrie.
Carlos Martinus a revela cu tin un primicia pasobra e opleiding aki di horeca tin un convenio cu AFBA (Aruba Food & Beverage Association) y a cuminsa cu un klas di mas o menos 20 alumno cu ta bay traha cerca nan.
E MBO 2 tin Monteur Elektrotechnische Installaties, Monteur Koude- en Klimaatsystemen, Servicemedewerker gebouwen, Medewerker Productietechniek (profiel basislasser), Medewerker ICT Support, Retailmedewerker y Helpende Zorg & Welzijn.
