ORANJESTAD (AAN): Na comienzo di Maart, amantenan di animalnan na Aruba a biba un siman memorabel. Riba 6 y 7 di maart, One Love Foundation Inc.
a organiza un serie di eventonan di recauda di fondo completamente bendi, reuniendo localnan y bishitantenan den apoyo di bienestar animal y logrando na recauda mas di $27.000.
E siman a cuminsa cu un anochi realmente special. E medium spiritual renombra Tiffany Rice a presenta un Gallery Reading exclusivo riba diabierna 6 di maart 2026, marcando e tono pa un siman significativo di compasion y compromiso cu comunidad. Su evento impresionante y yen di sentimento a reuni comunidad mientras a yuda duna inicio na un campaña extraordinario di recaudamento di fondo di dos anochi.
Como socio oficial, Spirit Medium Tiffany Rice a presenta gallery readings exclusivo pa One Love Foundation, Inc. tanto na Aruba como na Merca, yudando recauda miles di Dollar pa animalnan di Aruba.
E dinamica a continua e siguiente anochi cu un otro evento completamente bendi: e 2do anual Paws-itively Hilarious Stand-Up Comedy Benefit riba diasabra 7 di maart 2026. Presenta pa e popular Ray Ellin na Eagle Aruba Resort pa un anochi di comedia. E anochi di entretenimento a resulta di ta un espectaculo berdaderamente excepcional.
E talentoso Ray Ellin, kende su humor caracteristico y energia contagioso a ilumina e escenario.
Hunto cune, Kermet Apio, Tony V y Carolyn Plummer a completa e experiencia cu presentacionnan sobresaliente, logrando haci e publico hari for di principio te na final.
Como miembro di e Fundraising Board di One Love Foundation, Inc., Ray ta eherce un rol clave den e organizacion di eventonan di comedia na Aruba y New York. Hunto cu e contribucion generoso suma di Dollar pa Dollar di Bucuti & Tara Beach Resort, e esfuersonan aki a yuda recauda mas di $134.000 na apoyo di bienestar di animal riba e isla. Durante e ultimo diesdos aña, Aruba Ray’s Comedy a ocupa e prome puesto riba TripAdvisor tanto como Number One Show como Number One Nightlife Activity.
Hunto, e eventonan consecutivo aki a crea un siman extraordinario di solidaridad y compromiso cu bienestar di animal. Tur suma recauda lo bay directamente na bienestar di animalnan riba e isla, asina yudando preveni sufrimento incontabel di cantidad di animalnan rond di e isla.
E exito di e siman ta un recordatorio poderoso di loke por logra ora un comunidad ta uni pa un causa comun. Danki na e generosidad, e harimento y e bondad di tur esnan cu a participa, miles di animalnan lo beneficia di e esfuersonan aki.
Mirando pa dilanti, e impulso ta continua, y reserva e fecha 18 April 2026 den bo calender pa e prome edicion anual di PAW FEST, organiza den colaboracion cu Stimami Sterilisami, Bucuti & Tara Beach Resort y The Village Mall at Palm Beach.
One Love Foundation, Inc. ta un organizacion no lucrativo, basa na Merca y dirigi completamente pa boluntario, registra tanto na Merca como na Aruba. For di su fundacion na 2020, e fundacion a logra avansa significativo den mehora e bida di animalnan di Aruba. Mediante compasion, colaboracion y apoyo di comunidad, One Love Foundation, Inc. ta sigui contribui na un cambio positivo y duradero pa animalnan vulnerabel di Aruba.
